بما أن العيد على الأبواب و كل البنات الحلوات (طبعا و أنا وحدة منهن)منهمكات في صنع الحلويات ...قلت أقدم لكم هده الحلويات ...ممكن تجربونها و تدعولي ....يالله نبدأ ....بسم الله
حلي الشوفان
المقادير :>>>>
( كوب شوفان
* كوب حليب بودر ..
كوب جوز الهند او نص حسب دوقكم *
وعلبة حليب مركز )
الطريقة :>>>>
تحطين في قدراو تاوة تيفال الشوفان والحليب ..
وتحطينه على نارهاديه وخليهم يتحمسون
وكل شويه حركيهم عشان مايحترق من تحت بملعقة خشب ..
ويوم تحسين خلاص اتحمس واتغير لونه حطي عليه الجوز الهند المبشور وحركيهم وخليه شويه ..عشان يتغير لونه
ممكن تخلطين المقادير كلها مع بعض من اول مره وعقب اتضيفين عليه الحليب المركز. .. بتظهر نفس النتيجة ..
ويوم تحسين خلاص اتحمس مليح ولونه صار حلو والريحة الحلوه فاحت ..
حطي عليه الحليب المركز وحركي عشان مايجمد وعقبها ..
كوريهم ويوم تخلصين بصبعك سوي فتحة في النص واحشيه اللي تبينه ..
حشوه بكاكاو نيوتيلا وممكن جوز او بندق او تحطون ..
اي نوع مكسرات وممكن تحطون بندق وتسون فوقه خطوط كاكاو ..
وان شاء الله شرحت بطريقة واضحة وسهله للجميع
السينامون
المقادير:>>>>
4كأسات دقيق
4م ك حليب بودرة
3م ك سكر
2م ك خميرة
هيل شوي قرفة
1/2 كأس زيت
2كأس ماء دافي ملح
الحشو:>>>>
شكر بودر زبدة
قرفة
للوجة:>>>>
حليب مركز
شوكولاته هيرشي
جوز
الطريقة>>>>>
:نعجن مقادير العجينة مع بعض وتترك للتخمر
نقسم العجينة 3 أقسام ونفرد كل قسم مثل البيتز بس سميك شوي وتدهن بالزبدة ورش بالسكر وكثري حتى تكون كلها بيضاء من السكر ورشي القرفة عليها حتى تكون كلها بنيه ورش عليها شوي شكر طبعا أستخدمي المشخال أحسن ولفيها مثل السويسرول وخليها شوي تخمر أدهني صينيه زجاج بالزبده الذائبة بحرارة الغرفة
وجبيبي العجينة وقطعيها بالخيط يكون مقاسها حوالي 4سم ورصيها متباعده بالصينية
وأدهني الوجة بالحليب ودخليها فرن حار بس تشقر شي بسيط من تحت طفي عليها
يعني زي الخبز الصامولي فاتح عشان تصير طريه وشقري من فوق
وعلى طول اسقسها بالحليب وكثري عشان هي تتشرب الحليب واسقيها بالشوكولاته وزينيها بالجوز وغطيها فترة وقدميها وبتكون متشربه الحليب والشوكولاته
ترى أنا صبيت زيادة حليب بعد ماتشربت عشان كذا بالصورة سائل
وبالعافيةو أخيرا طريقه جلي رووعه
المقادير >>>>>
2 علبة جلي فراوله
2 علبة قشطه
وسكر حسب الرغبه
الطريقه >>>>
نسوي الجلي بالطريقه العاديه وبعدها نضيف عليه القشطه والسكر و نخلط جيدا
نوزعه في اواني شفافه حلوه للتقديم
نحطه بالثلاجه ولما اطلعينه راح تشوفين انه صار لونين احمر ووردي
ويقدم بارد
موضوع: حلويات للعيد لكل بنت تحب الطبخ 
